യാത്ര...
എറണാകുളം ജനറലാശുപത്രിയിലെ
പൊട്ടിപ്പൊളിഞ്ഞ വരാന്തയിലും
ഒടിഞ്ഞു തൂങ്ങിയ ചാരുബഞ്ചിലും
കൂനിക്കൂടിയിരുന്ന പേക്കോലങ്ങളെ-
ന്നോടെന്തുപറയാനാണാഞത്?
വകഞ്ഞുമാറ്റലിലൂടാ മോര്‍ച്ചറിക്കു
മുന്നിലെത്തിയാപൊട്ടിയടര്‍ന്നവൃത്തി
ഹീനമായയാതറയിലെയായിളം
പൈതലിന്‍കണ്‍കളെന്താണ്തേടിയത്?
ചരിത്രക്ലാസ്സില്‍നിന്നുംമെല്ലെയൂര്‍ന്ന
വന്‍റെകൈതലമെന്നില്‍ചേര്‍ത്തയാ
മഹാരാജാസ്സിന്നിടനാഴിയിലൂടൊരു
ചിത്രാംഗദയാകാന്‍മനംകൊതിക്കവേ
യാസ്വപ്‌നങ്ങള്‍ക്കീനിറമാര്‍ന്നുവോ?
രൂക്ഷഗന്ധംവമിക്കുംസ്പിരിറ്റിലീ
മൗനംമരവിച്ചു കിടക്കവേയറിവൂ
വൊരുകുപ്പിഫ്യുറഡാനിലവനവന്‍റെ
സ്വപ്‌നങ്ങള്‍കുഴിച്ചുമൂടിയിരിക്കുന്നു
ഒഴിയാസ്വപ്നങ്ങളുംപേറി
അറിയാസുഗന്ധങ്ങളും തേടി
ഞാനും യാത്രയാകുന്നു.......
No comments:
Post a Comment