വൃത്തം

കവിതവൃത്തത്തി ലല്ലിതെന്നാരുപറഞ്ഞുവെന്‍
കവിത വൃത്തത്തിലല്ലിതെന്നാരു പറഞ്ഞു                        
വൃത്തം വരച്ചതില്‍ വൃത്തിയായ് ചമച്ചൊരെന്‍
കവിത വൃത്തത്തിലല്ലിതെന്നാരു പറഞ്ഞുവെന്‍
കവിത വൃത്തത്തിലല്ലിതെന്നാരു പറഞ്ഞു.

കൃത്രിമമില്ലാതെ കൃത്യത്തിലെത്തിടാന്‍
കൃത്യമാമീകൃതിയാകൃതിയിലാക്കിടാന്‍ 
വൃത്തം വരച്ചതില്‍ വൃത്തിയായ് ചമച്ചൊരെന്‍
കവിത വൃത്തത്തിലല്ലിതെന്നാരു പറഞ്ഞുവെന്‍
കവിത വൃത്തത്തിലല്ലിതെന്നാരു പറഞ്ഞു.

സൂത്രത്തിലൊപ്പിച്ചെന്‍ മിത്രത്തിന്‍ വാക്കുകള്‍
തത്രത്തിലിന്നൊരു കവിതയാക്കി
വൃത്തം വരച്ചതില്‍ വൃത്തിയായ് ചമച്ചൊരെന്‍
കവിത വൃത്തത്തിലല്ലിതെന്നാരു പറഞ്ഞുവെന്‍
കവിത വൃത്തത്തിലല്ലിതെന്നാരു പറഞ്ഞു

                                    

അപ്രിയ സത്യങ്ങളുമായി............

                                                                   

ഇതാ സംവിധായകര്‍ക്കിടയിലെ ഒരു മനുഷ്യന്‍..
പ്രിയനന്ദനന്‍ ...
പ്രിയന്‍ നമുക്കിടയില്‍ തന്നെയുണ്ടായിരുന്നോ എന്നാ ചോദ്യത്തിന്‍ ഉത്തരമായിരുന്നു കഴിഞ്ഞ ദിവസങ്ങളില്‍  മനോരമയുടെ നേരെചോവ്വെയില്‍ ജോണി ലൂക്കോസിനോടും  റിപ്പോര്‍ട്ടര്‍ ചാനലിലെ മീറ്റ്‌ ദി എഡിറ്റഴ്സിലും പ്രിയന്‍ പങ്കുവച്ച ചില അപ്രിയ സത്യങ്ങള്‍..
സംസ്ഥാന-ദേശീയ പുരസ്കാരങ്ങള്‍ നേടുമ്പോഴും പ്രിയന്‍  പലര്‍ക്കും അന്ന്യന്‍ തന്നെയായിരുന്നു..പ്രശസ്തിയുടെ പടവുകള്‍ പലകുറി താണ്ടുമ്പോഴും മീഡിയകള്‍ പോലും പ്രിയനിലെ കലാകാരനെയോ പ്രിയനിലെ  മനുഷ്യനെയോ കണ്ടെത്താന്‍ ശ്രമിച്ചിരുന്നില്ല.. എവിടൊക്കെയോ, പല കോണുകളിലും  അടര്‍ത്തി മാറ്റുകയായിരുന്നു..
തന്‍റെ സിനിമകള്‍ക്കപ്പുറത്ത്, എല്ലാ നല്ല സിനിമകളും നില നിലക്കണമെന്നു വാദിക്കുന്നിടത്ത് ഒരു ജീവിതം സമരസപ്പെടാതെ കലയോട് എങ്ങിനെ  താതാത്മ്യം പ്രാപിച്ചിരിക്കുന്നുവെന്ന കാഴ്ചപാടാണ് സമൂഹത്തിനേകുന്നത്..
അടൂരിനും അരവിന്ദനുമൊക്കെ  നേടിയെടുത്ത അന്തര്‍ദേശീയത  പ്രിയനു കൈവരാത്തതെന്തേ എന്നാരും ചോദിച്ചിട്ടില്ല.  അടിസ്ഥാന വിദ്യാഭ്യാസത്തില്‍ മാത്രം ഒതുങ്ങിപോയതുകൊണ്ടാണോ അതോ തന്‍റെ സൃഷ്ടിയ്ക്കു വിപണനം കണ്ടെത്താന്‍ കഴിയാത്തതുകൊണ്ടാണോ അതോ പ്രൊമോട്ട് ചെയ്യാന്‍ ഒരു ലോബി ഇല്ലാത്തതുകൊണ്ടോ?   കാലം പറയട്ടെ...
CPI(M) സഹയാത്രികനായി,  കൃത്യമായ രാഷ്ട്രീയ ബോധത്തോടെ മുന്നോട്ടു പോകുമ്പോഴും തെറ്റുകള്‍ വിളിച്ചു പറയുവാനുള്ള ആര്‍ജ്ജവം ആശാവഹമാണ്‌..അപചയം നേരിടുന്ന പാര്‍ട്ടിയിലെ അപാകതകള്‍  കലഹങ്ങള്‍ക്കപ്പുറത്ത്, വരും വരായ്കക്കുമപ്പുറത്ത് തെളിമയുള്ള വാക്കുകളിലൂടെ ബോധ്യപ്പെടുത്താന്‍ ശ്രമിക്കുമ്പോള്‍ താങ്കള്‍ ഒറ്റയാനാകുന്നു..
പേരിനും പ്രശസ്തിക്കും വേണ്ടി എന്തു നെറികേടിനും കൂട്ടുനില്‍ക്കുന്ന, കൂട്ടികൊടുക്കേണ്ടി വരുന്ന പ്രതിഭകള്‍ എന്ന് നാം തെറ്റിദ്ധാരിക്കുന്ന ഒരു കൂട്ടം കലാ(പ)കാരന്മാര്‍ക്കിടയിലെ ഒറ്റയാന്‍.
സത്യസന്ധമായ തുറന്നുപറച്ചിലുകള്‍ പലപ്പോഴും വിവാദങ്ങളിലേക്ക് വഴി തെളിയിക്കുമെങ്കിലും ഇങ്ങനെയുള്ള ഉറവുകള്‍ ഉണ്ടാകേണ്ടതിന്‍റെ അവശ്യകത  അനിവാര്യമാണ്..
പ്രിയനന്ദനന്‍ പ്രിയമുള്ളവനാകുന്നു,  നല്ല സിനിമ ഇഷ്ട്ടപ്പെടുന്നവര്‍ക്ക്..
വരും കാലം കല്ലും മുള്ളും നിറഞ്ഞതു തന്നാകട്ടെ,  അതില്‍ നിന്നുമാകട്ടെ സ്ഫുടം ചെയ്ത സിനിമകളും..
ലാല്‍സലാം ഒപ്പം ഒരു ലവ്സലാമും.....













                                           

 

                                                  എന്‍റെ  മനസ്സും പൂക്കുന്നു  

                                         

2015 February 14
ഒരു ഡയറി കുറിപ്പ്:
എന്‍റെ മനസ്സും പൂക്കുന്നു...
ദില്ലി യുടെ ച്ഛായ മാറുമോ?...
കാത്തിരുന്ന് കാണാം..
AAP ഒരടയാളം മാത്രമാകുന്നു..
എന്‍റെ സംസ്ഥാനത്തും ഇതു സംഭവിക്കില്ലേ?
AAP തന്നെയാകണമെന്നില്ല.. ഒരു "ജന" സംഘടന, മതി..
വാഴ്ത്താന്‍ മാത്രമല്ല, വീഴ്ത്താനും ജനത്തിനറിയാം എന്നൊന്ന് തെളിയിക്കാന്‍....അത്രമാത്രം...
പ്രതികരിക്കാന്‍ കഴിയാഞ്ഞവന്‍റെ പ്രതികാരമായിരുന്നു ദില്ലിയില്‍ കണ്ടത്..
അഴിമതിക്കാരായ ഓരോ രാഷ്ട്രീയ നപുംസകങ്ങളുടെയും കരണതേറ്റ പ്രഹരമായിരുന്നുവോരോ വോട്ടും..
അവസ്ഥകളാണ് നമ്മെ നാമല്ലാതാക്കുന്നത്...അഴിമതിയില്‍ മുങ്ങി ഒരു രാജ്യം തന്നെ ഇല്ലാതാകുമ്പോള്‍ വെറും നോക്കുകുത്തിയാകുന്നതില്‍ എന്തു പ്രസക്തി?
ഒരിസവും തന്നെ രക്ഷിക്കില്ല, രാജ്യത്തെയും എന്ന തിരിച്ചറിവ് അങ്ങ് ദില്ലിയിലലയടിക്കുമ്പോള്‍ ആ മാറ്റൊലി ഇങ്ങ് കേരളത്തിലെത്താനധിദൂരമില്ല ..പ്രത്യേകിച്ച് ഇവിടെ
ഇന്നരങ്ങേറുന്ന നഗ്നമായ അഴിമതിയും, രാഷ്ട്രീയ പേക്കൂത്തുകളും, ഭരണ പ്രതിപക്ഷ ബാന്ധവങ്ങളും, ജാതി മത വര്‍ഗ്ഗ വെറിയന്‍മാരുടെ അഭിനവ ശീല ബോധങ്ങളും കാണുന്നയാര്‍ക്കും മനസ്സിലാകും ആ ദൂരം അകലെയല്ലെന്ന്..
മാറി മാറി വരും സര്‍ക്കാരിലൂടെ അവനവനും അവന്‍റെ പാര്‍ട്ടിയും കൊഴുക്കുക എന്നതിനപ്പുറത്ത് ജനത്തിന്‍റെ നേരും രാജ്യത്തിന്‍റെ സ്വത്വവും അവന്‍റെ കാഴ്ചപുറ ങ്ങളിലില്ലെന്നതാണ് സത്യം...ഇതൊന്നും മനസ്സിലാക്കാനുള്ള കെല്‍പ്പ് ഞങ്ങള്‍ക്കില്ലാഞ്ഞിട്ടല്ല, മറിച്ച് ഐക്ക്യപ്പെടലിലെ ഏകീകരണമില്ലായ്മയാകാം..
ഇടക്കാലത്ത് അസംതൃപ്തരായ യുവത അരാഷ്ട്രീയ വാദികളായിരുന്നെങ്കില്‍ ഇന്നതു തിരിച്ചാണ്.. വ്യക്തമായ കാഴ്ചപ്പാടും രാഷ്ട്രീയവും അവനുണ്ട്.. അവരൈക്ക്യപെടുകയാണ്...അവനു പിന്നില്‍ പലതലമുറയും കൈകോര്‍ക്കുന്നു...അവര്‍ നിങ്ങള്‍ക്കെതിരെയാണ്....അഴിമതിയാഭരണമാക്കിയ സര്‍ക്കാരിനും അവര്‍ക്കോശാന പാടുന്ന പ്രതിപക്ഷത്തിനും ജാതി മത കോമരങ്ങള്‍ക്കുമെല്ലാം എതിരെ.. ഒപ്പം ഇവര്‍ക്കെല്ലാം കുഴലൂത്ത് നടത്തുന്ന ഫോര്‍ത്ത് എസ്റ്റേറ്റ്‌ നപുംസകങ്ങള്‍ക്കും... നവമാധ്യമ സംസ്കാരം പുതിയൊരു വഴിത്താര സൃഷ്ടിക്കയാണ്.. നിലവിലെ പൊള്ളയായ രാഷ്ട്രീയത്തിലെ പാപ്പരത്തം ചൂണ്ടി കാണിക്കാന്‍. അതിലെ ചുഴിയും പിഴവും ജനമദ്ധ്യത്തിലെത്തിക്കാന്‍...ഇതൊരു ജനാധിപത്യ രാജ്യമാണ്...നിലവിലുള്ള പൊതു രാഷ്ട്രീയത്തിന്‍റെ ചുവടു പിടിച്ചു മാത്രമേ മുന്നോട്ടു പോകാനാകൂ എന്നതിന്ന് പഴങ്കഥ മാത്രം. നിങ്ങള്‍ വിരിച്ച ചങ്ങലകള്‍ ഭേദിക്കാന്‍ കെല്പുള്ള യുവതയാണിന്നിവിടെ.
ഹേയ്, നിങ്ങള്‍ ചില്ലു കൂട്ടിലാണ്...നിന്‍റെ നഗ്നത ഞങ്ങള്‍ക്ക് വെളിവാകുന്നുവെന്ന് വിഡ്ഢിയായ നീ മനസ്സിലാക്കുന്നില്ല..
ഞങ്ങള്‍ക്കും നാവുണ്ടെന്നു നീയറിക, തലച്ചോറും..
അഴിമതി വെളിവാകുമ്പോള്‍, നിന്നോടുള്ള ബഹുമാനം നഷ്ട്ടമാകുമ്പോള്‍ നിനക്കൊരു തെരുവുനായയോടുള്ള ആദരവുപോലും ഉണ്ടാകില്ലെന്ന് നീ തിരിച്ചറിക.. നികുതി പണം കൊണ്ടുള്ള നിന്‍റെ അമ്മാനാട്ടത്തിനു തിരശ്ശീല വീഴാറായിരിക്കുന്നു.. നീതിന്യായ വ്യവസ്ഥിതിയടക്കം സമസ്ത മേഖലയും അഴിമതിയുടെ കൂത്തരങ്ങായി മാറിയതും ഞങ്ങളറിയുന്നു... ഇനി പ്രതികരണമാണ്... പൂര്‍ണ്ണ നഗ്നരാക്കി ജനകീയ വിചാരണയിലൂടെ നിന്‍റെ വാതിലുകള്‍ ഞങ്ങള്‍ കൊട്ടിയടക്കുമെന്നു നീയറിക...അന്നു നിന്നെ സംരക്ഷിക്കാന്‍ ഒരു കോട്ട കൊത്തളങ്ങള്‍ക്കും കരിമ്പൂച്ചകള്‍ക്കും കരുതുണ്ടാകില്ലെന്നുമറിക...

AAP ഒരു നിമിത്തം മാത്രമാകുന്നു... തിരിച്ചറിവിനായ്..
സാധാരണക്കാരന്‍റെ നെഞ്ചിലെ ചൂടാണത്...ഇതൊരു തുടക്കം മാത്രമാണ്... ഇന്ത്യയിലെ എല്ലാ സംസ്ഥാനങ്ങളിലും നെഞ്ചിലെ ചൂടുള്ള ജനസംഘടനകള്‍ ഉണരാന്‍ സമയമായ്‌..
ദില്ലിയിലെ ജനങ്ങളുടെ ചൂരും ചൂടുമായ AAP നു സകല ഭാവുകങ്ങളും...

 

                                                                        മറവി

മറക്കുവാനാകാത്തതെന്തേയെന്നോരാ
ചോദ്യത്തിനുത്തരമതിന്നുമൊന്നുതന്നെ
മറക്കുവതെങ്ങിനെഞാനെന്നോര്‍മ്മയില്‍
നിന്‍സ്പര്‍ശമതുഞാനറിയുന്നില്ലയെങ്കില്‍

 

കണക്കിലെ   കളി

കണക്കുകണക്കാകെവേണമല്ലാതതു
വെറുമൊരുകണക്കാകവേണ്ട........... 

                                       രണ്ടു  "രണ്ടു കോടി " കഥകള്‍...

                                                           

   

ആദ്യ കഥയിലെ നായകന്‍  അഥവാ വില്ലന്‍  സാക്ഷാല്‍ പാലേലെ 'മാണി'ക്ക്യം.
പേരിലെന്തിരിക്കുന്നുവെന്നു  ചോദിച്ച  മഹാനു തെറ്റി.   പേരിലാണെല്ലാം 
എന്ന് 'കരിങ്കോഴക്കല്‍' ഉത്തരമായി..
ഈ അണ്ഡകടാഹത്തിലെ  സകല മാന ജനങ്ങള്‍ക്കും  (ചര്‍ച്ച വക്കീലിന്‍റെ ഭാഷ കടമെടുത്താല്‍ അരിയാഹാരം കഴിക്കുന്നവര്‍ മാത്രമല്ല ഗോതമ്പാഹാരം കഴിക്കുന്നവര്‍ക്കും )അഴിമതിക്കറ  കണ്ടെത്താന്‍ ഒരു ബുദ്ധിമുട്ടും ഉണ്ടായില്ല, ഒരാള്‍ക്കൊഴിച്ച്,   സാക്ഷാല്‍ ത്രികാല ജ്ഞാനി മുഖ്യന്...
അഷ്ട്ടിക്കു വക കണ്ടെത്തിക്കൊടുക്കാന്‍ ആഷ്ടിക് അബു സോറി ആഷിക് അബുവിന്‍റെ ഹാഷ്ടാഗ്...കോഴയിലമര്‍ഷം പൂണ്ട യുവത അഞ്ചും പത്തും മാണിക്ക്യത്തിനു മണിയോര്‍ഡറാക്കി... യാതൊരുളുപ്പുമില്ലാതെ മാണിക്ക്യമതു
ഖജനാവിന്‍  പേരില്‍  "വക"വരുത്തി  രോഷാകുല യുവതയെ ഇളിഭ്യരാക്കി..
പാലേലെ  മാണിക്ക്യത്തെ അഴിമതി വിമുക്തനാക്കാന്‍ ഭരണ-പ്രതിപക്ഷാംഗങ്ങള്‍ മത്സരമായി.  നേതാവിന്‍റെ  സംരക്ഷകരാകാന്‍  സകല സാറമ്മാരും  ചാനല്‍ കിളിവാതിലില്‍ ഊഴവും കാത്തു നില്‍ക്കയും  അന്തി ചര്‍ച്ച കളിലവരമറിതിമിര്‍ക്കയും ചെയ്തു.. ജാതി-മത ഭേതമെന്യേ മതമേലാധ്യക്ഷകോമരങ്ങള്‍  ഓശാന പാടി...ഭരണ പക്ഷത്തെ ചില കറുത്ത കുതിരകള്‍ മാണിക്ക്യത്തെ വീഴ്ത്താന്‍  കരുക്കള്‍ നീക്കിയെങ്കിലും  മറുപക്ഷത്തെ ചില ചുവപ്പന്‍ കുതിരകള്‍ അതൊരു പാഴ്ശ്രമമാക്കി..അങ്ങിനെ പ്രതികരണം നഷ്ട്ടപ്പെട്ട ബഹുഭൂരിപക്ഷജനതയെ സാക്ഷിയാക്കി പാലായിലെ റബ്ബര്‍ കാടുകളില്‍ മാണിക്ക്യമിന്നുമദിച്ചു  തിമിര്‍ക്കുന്നു..............

ഇനി രണ്ടാം കോടി കഥ....
നായകന്‍ സാക്ഷാല്‍ നായകന്‍.. വില്ലനായി വന്ന് നായകനായി  വാഴുമ്പോള്‍
മുഖ്യനും കരിക്കനും കൂടി വിരിച്ച വലയില്‍ കുടുങ്ങി വീണ്ടും വില്ലനെന്നു പഴികേള്‍ക്കേണ്ടി വന്ന നായകന്‍റെ കഥ..
നവമാധ്യമ ഇരയായി അന്തി ചര്‍ച്ചകളില്‍ നെഞ്ചില്‍ പൊങ്കാലയേല്‍ക്കേണ്ടി വന്നപ്പോള്‍  ഒരത്താണിയായി സഹപ്രവര്‍ത്തകര്‍ ആരുടേയും പൊടിപോലും കണ്ടില്ല..പണ്ട് ഗര്‍ജ്ജിക്കുന്ന സിംഹങ്ങളായിരുന്ന  അഴീക്കോട് മാഷിനോടും തിലകന്‍ ചേട്ടനോടും വാക്-യുദ്ധത്തിലേര്‍പ്പെട്ടപ്പോള്‍ ഉണ്ടായ ഒരു "സഹകരണവും " കൂടെ നിന്നവരില്‍ നിന്നുണ്ടായില്ല.  എന്തിന്,  പെരുമ്പാവൂരുകാരന്‍  അന്തോണി പോലും ആരെയും ഭീഷണിപ്പെടുത്താനെത്തീല്ല.  പേരില്‍ മാത്രം വിനയമുള്ള മറ്റു സിനിമാക്കാരാണെങ്കിലോ എരി തീയില്‍ എണ്ണയൊഴിച്ചാര്‍ത്താര്‍മാദിച്ചു.  ചിലരെങ്കിലും പോക്കറ്റടിക്കാരനോടും മറ്റുമൊക്കെ നായകനെ ഉപമിച്ചപ്പോള്‍
മിസ്റ്റര്‍ ഫ്രോഡ് എന്ന തന്‍റെ സിനിമാ പേരിലെ അറംപറ്റലുള്‍കൊണ്ടാകാം  സംവിധായകന്‍ ഉണ്ണികൃഷ്ണന്‍ മാത്രമാണ് നായകനോട് ഐക്യപ്പെടാന്‍ പാളിപ്പോയ ഒരു ശ്രമം നടത്തിയത്..
ഒടുക്കം ചാനല്‍ കഴുകന്മാര്‍ പറയും പോലെ നവ മാധ്യമ വക്താക്കളുടെ  "പേനാ"കത്തിയില്‍  ഒറ്റ രാത്രി കൊണ്ട് കോടികള്‍ തിരിചെറിഞ്ഞ് നായകന്‍ തലയൂരി.
അപ്പോള്‍ നായകന്‍റെ തന്നെ മറ്റൊരു സിനിമയിലെ  ക്ലൈമാക്സ് സീനുമായി യുവത വീണ്ടും മുഖപുസ്തകത്തില്‍ പോസ്റ്ററുമായെത്തി... "ലാലേട്ടാ മാപ്പ്"

വാല്‍ക്കഷണം:
നായകന്‍റെ ചിന്തയില്‍:
ശരിക്കും  ഭരത് അവാര്‍ഡിന്  തന്നെക്കാള്‍ യോഗ്യര്‍ മുഖ്യനും കരിക്കനും അല്ലേ?


 

                                                          ജീവിതം

 

 

 

പകര്‍ത്തെഴുത്താണോ   ജീവിതം?

അതോ   പകരം  വയ്ക്കലോ?

പകുത്തെടുപ്പാണോ    ജീവിതം?

അതോ  പക പോക്കലോ?